* मैत्री *
सोमवार, १० जुलै, २०२३
* मैत्री *
माझा वाढदिवस आणि माधुरी दीक्षितचं पोस्टर.
******** कातरवेळ ********
आताच जेष्ठ अभिनेत्री सुलोचना दीदी यांच्या निधनाची बातमी वाचली. फार दुःख झालं. चित्रपटसृष्टीतील सुरूवातीच्या काळातील एक एक दुवे निखळत आहेत. मला दीदींचे मोलकरीण, एकटी , व-हाडी आणि वाजंत्री , साधी माणसं , ही वाट पंढरीची हे चित्रपट फार आवडले. मराठा तितुका मेळवावा मधील त्यांची करारी , स्वराज्याचं स्वप्न पाहात शिवबाला घडवणा-या तेजस्वी जिजाबाई ही भूमिका तर अजरामर आहे. हिंदीत आईच्या भूमिकेत दिसणा-या दीदी खरं तर कांचन घाणेकर यांच्या "नाथ हा माझा " हा पुस्तकातून जास्त जवळून समजल्या. खडकलाट या गावातून कोल्हापूर मध्ये चित्रपट अभिनेत्री होण्यासाठी घेतलेले कष्ट ते भालजी पेंढारकरांच्या मार्गदर्शनखाली तयार होऊन एक यशस्वी अभिनेत्री होण्याचा प्रवास , पतीच्या निधनानंतर कांचन या मुलीसोबत कुटुंबातील सदस्यांची जबाबदारी एकटीने सांभाळणा-या , मुलांचे शिक्षण , चांगले राहणीमान मिळण्यासाठी रात्रंदिवस कष्ट करणा-या , खूप प्रेमळ पण प्रसंगी कठोर बनणा-या , निवृत्तीनंतर
Father's Day
" चिमण्यांसारख्या नाचतात दहा बारा वर्षं ओसरीवर आणि भुर्रकन उडून जातात हो !" आज चितळे मास्तरांचं हे वाक्य राहूनराहून आठवत आहे. मला लहानाची मोठी करून पाठवणीच्या वेळी रडणारे बाबा. लहानपणी बाबा सुपरमॅन वाटायचे. आहेतच ते आमच्यासाठी.त्यांना दूध तापवण्यापासून ते स्वयंपाक, केरवारा ही सगळी कामं येतात याचा मला अभिमान वाटायचा लहानपणी. दडपे पोहे , पुरी भाजी त्यांच्या हातचे कितीवेळा खाल्ले. खूप लाड केले बाबांनी.
तुम्हाला father's day च्या खूप खूप शुभेच्छा बाबा .
" पुंडलिक वरदा हरी विठ्ठल श्री ज्ञानदेव तुकाराम पंढरीनाथ महाराज की जय "
मंगळवार, १४ मार्च, २०१७
** **
सिनेमा हा आपल्या जीवनाचा अविभाज्य भाग आहे.रोजच्या धावपळीत मनोरंजनाचे हलकेफुलके क्षण या सिनेमामुळे आपण अनुभवतो. प्रेमकथा , हिरो हिराॅईन , व्हिलन , काॅमेडियन वगैरे आणि ठासून भरलेला मसाला आणि गोड शेवट असा सिनेमा लोकांना आवडतो. हिराॅईन म्हणजे सौंदर्याची खाण अशी आपली समजूत असते. सौंदर्य कुणाला आवडत नाही? माझी पण अशीच समजूत होती. मला सुद्धा सुंदर हिराॅईन आवडतात.
पण पुढे मी प्रादेशिक सिनेमा पहायला लागले. दूरदर्शनवर असे सिनेमे नेहमी दाखवतात. अशातच एकदा श्याम बेनेगलांचा "अंकुर" लागला होता.विषय तसा गंभीर होता. त्यात शबाना आझमी हिराॅईन होती. मला वाटलं काहीतरी रटाळ असणार कारण शबाना आझमी मला मुळीच आवडायची नाही. रूढार्थाने ती सुंदर नाही.पण अंकुर पाहिला आणि सिनेमा पाहण्याची माझी दृष्टीच बदलली. जे काही पाहिलं ते कमाल वाटलं. सौंदर्यापलीकडेही अभिनय ही गोष्ट असते हे मला समजलं.
मग काय? मंडी , साज, अर्थ , पेस्तनजी, मासूम धारावी, दिशा,जज्बा, चाॅक अॅन्ड डस्टर , अनोखा बंधन , अवतार असे सगळे सिनेमे मी पाहिले. मग ती माझी सर्वात आवडती हिराॅईन झाली. तिचे बोलके डोळे ही जमेची बाजू आहे. डोळ्यातील भाव ती इतक्या सुंदर पद्धतीने व्यक्त करते की काळजाचा ठोका चुकतो.
तर अंकुर चित्रपटाची कथा पुढच्या ब्लॉगमध्ये.